ЖАЙДАРЛЫ ЖУАЛЫ ЛИГАСЫ

Қазақстан Республикасының «Мемлекеттік жастар саясаты туралы» Заңын және «Әулиеата жастары» өңірлік бағдарламасын жүзеге асыру аясында аудандық «Жастар ресурстық орталығы» мекемесі мен аудандық білім бөлімінің ұйымдастыруымен «ӘДІЛЕТТІ ҚАЗАҚСТАН — ЖАҢА ТОЛҚЫНДА» атты мектеп жасындағы жас жайдарманшылар арасындағы 1/8 жайдарман сайысы өткізілді.

⚜ Ауданымыздың ең көңілді жастары бас қосқан жайдарман сайысына 13 құрама қатысып, «Сәлемдесу» кезеңі бойынша бақ сынады.

⚜ Аудандық мәслихат депутаты, «Жастар ресурстық орталығы» мекемесінің директоры — Телеушов Мейіржан Бегасылұлы, жайдарманшы, блогер, асаба — Әділет Санатұлы, «Жаңа өмір – Новая жизнь» газетінің бас редакторының орынбасары — Нұржан Манасұлы, аудандық білім бөлімінің әдіскер маманы — Кусманова Эльмира Бахтымуратқызы, Нұрлыкент ауылдық округі мәдениет үйінің бас маманы, асаба, шоумен — Әліпбай Ақжол Шоқанұлы әділ қазылық еткен жайдарман сайысында жас өрендер 1/4 ширек финал ойындарына жолдаманы сарапқа салды.
⚜ Оймақтай ойымен, ұтымды әзілімен, сүбелі сөзімен көрерменнің жадында қалып, қазылар алқасының көңілінен шыға білген 10 жайдарман тобы келесі ¼ ширек финалға жолдама алды.

Олар:

Қошқарата ауылдық округі №9 Абай орта мектебінен «Қошқарата» құрамасы;

Көкбастау ауылдық округі №16 С.Сейфуллин орта мектебінен «Серпін» және «Болашақ лидерлер» құрамалары, ;

Ақсай ауылдық округі №27 Диқан орта мектебінен «Диқан City» құрамасы;

Күреңбел ауылдық округі №10 Күреңбел орта мектебінен «Жалын» құрамасы;

Нұрлыкент ауылдық округі М.Әуезов орта мектебінен «Көңілді жігіттер» және М.Ломоносов орта мектебінен «Нұрлыкент қырандары» құрамалары;

Б.Момышұлы ауылы №29 орта мектептен «Жұрттың балалары идеал емес», «Империя» командалары;

Ақтөбе ауылдық округі №11 Т.Тастандиев орта мектебінен «ТТТ» командасы.

⚜Ал Б.Момышұлы ауылы №1 Ш.Мұртаза атындағы мектеп — гимназиясынан «Жалынды жастар» командасы, Қарасаз ауылдық округі №6 А.Пушкин орта мектебі «Көзтимесін» командасы және Шақпақ ауылдық округі №28 Амангелді орта мектебі «Амангелді жастары: AMG» командалары келесі кезеңге өте алмады.

⚜ Барлық жайдарман сайысына қатысқан командаларға ұйымдастырушылардың атынан алғыс хаттар мен дипломдар табысталды.

Жуалы ауданы әкімдігі