Жамбыл облыстық білім басқармасының басшысы білім мәселелерін саралады
Біз – әрқашан қолымызға қалам ұстатып, алғашқы әріпті танытқан ұстаздарымызға басымызды иіп, құрмет көрсетіп келген халықпыз.
«Алты Алаштың басы қосылса, төрдегі орын мұғалімдікі» деген сөз де тегіннен айтылмаған. Бұл мұғалімдердің бұрыннан зор құрметке ие болғанын білдіреді. Бүгін облыстық білім басқармасының басшысы Мейірхан Азатұлы және Жамбыл облысының білім саласында сапаны қамтамасыз ету департаментінің басшысы Д.Ускумбаеваның қатысуымен облыстың мектеп директорлары мен жиналыс өткізілді.
Жиын барысында білім сапасын қамтамасыз ету, мектепішілік бақылауды жақсарту, нормативтік-құқықтық құжаттарды оқу мәдениеті, мұғалімдердің үздіксіз кәсіби дамуы, мектептердің жаңа оқу жылына дайындығы, қауіпсіздік мәселелері және т.б. көкейкесті мәселелер қаралды. Сонымен қатар күн тәртібі оқу жылының басталуына орай ұйымдастыру жұмыстары: мектепішілік бақылау, ыстық тамақ, қауіпсіздік, тасымал, Отбасылық цифрлық картаның өзектендірілуі қаралып, мониторинг қорытындылары ортаға салынды.
Маңызды жиында қауіпсіздік мәселелері оқулықтармен қамтамасыз ету, асхана, спортзал, оқушыларға қолайлы жағдай жасау сұрақтары қаралды.Мақсат Арапұлы Қазанғапов, Талас ауданы білім бөлімінің басшысы