Жамбыл облысында 2024 жылы 124 нысан пайдалануға берілді

Атап айтар болсақ, білім беру саласында 16 жаңа мектеп ашылды. Оның ішінде үшеуінің құрылысы «Жайлы мектеп» Ұлттық жобасы аясында жүргізілді.

Денсаулық сақтау саласында 33 нысан салынып, тапсырылды. Олардың қатарында 10 фельдшерлік-акушерлік пункт, 6 медициналық пункт, 3 дәрігерлік амбулатория, 1 емханаға қосымша ғимарат.

Сондай-ақ 10 денешықтыру-сақтыру кешені мен 6 мәдениет үйі халыққа қызмет көрсетуге кірісті. Қордай ауданында полиция бөлімінің және өрт сөндіру депосының заманауи ғимараты ашылды.

Ауыл шаруашылығы саласында 5, тұрғын үй құрылысы бойынша 26, инженерлік коммуникациялық инфрақұрылым жүйелері бойынша 26 нысан қолданысқа берілді.

2025 жылы 53,2 млрд. теңгеге 176 жобаның құрылысы жүргізіледі деп күтілуде.

Ағымдағы жылы 145 нысанның құрылысын тапсыру жоспарлануда.