ЖАҢАТАС — «АҚЫЛДЫ ҚАЛАҒА» АЙНАЛЫП КЕЛЕДІ

Облыстан отыз жас кіші кеншілер қаласының іргетасы қалай қаланғаны, дүрілдеген шағында «Жаңа Париж» аталып, нарықтық қатынастың өтпелі кезеңінде тасталқаны шығып бұзылғаны, кеншілер дүмпуі, бүгінгі ажары мен қайта оралған базары жайлы аз жазған жоқпыз-ау. Сонда да өміріміздің бір белесі өткен шағын қала жайлы жаза бергіміз келеді.

Жаңатас пен Қаратаудың қазақ елінің картасынан ойып тұрып орын алып, қала аталуына қазақтың даңқты перзенті Дінмұхаммед Қонаевтың еңбегі зор. Димаш Ахметұлы 1980 жылы Сарысу ауданына жасаған жұмыс сапарында Жаңатасқа да атбасын бұрып, қала маңындағы кен орындарында болып, жер астындағы жүздеген жылдарға жететін фосфор кенінің мол қорына қарап, кеншілердің шағын шаһарының келешегі зор, болашағы баянды екенін болжаған.

Бәлкім төмендегі суретте обкомның бірінші хатшысы Хасан Бектұрғановпен осы ойымен бөлісіп тұрған шығар тау тұлғалы есіл Ер…

Қазақтың кемеңгер ұлының айтқаны айдай келді. Даму жолына түскен бүгінгі Жаңатас тоқсаныншы жылдармен салыстырғанда адам танымастай өзгеріп, құлпыра түскен. «Ақылды аядамалары», субұрқақтар мен гүлзарлары қандай! Түрлі нысандары архитектураның соңғы жетістіктерімен көркейіп келеді.

«Ақылды қалаға» бет бұрған жасампаз Жаңатас жайнай бер, құлпыра түс!